• Quen Somos
• Documentación TP
• Directorio
• 
• Proxecto de Acompañamento Educativo
• Notas de Prensa

Colaboran con nosotros:

Plan de Voluntariado

As persoas con trastornos da personalidade presentan problemáticas que afectan ó seu funcionamento psicosocial, á súa participación na sociedade e dificultan o desenvolvemento das súas capacidades funcionais en relación á vida cotiá. Nalgúns casos estes trastornos afectan gravemente á convivencia familiar.

O Programa de Voluntariado nace coa finalidade de tratade mellorar a calidade de vida das persoas afectadas por un Trastorno de Personalidade e as súas familias, a través da acción voluntaria. Así coma dar a coñecer os servizos que presta a nosa entidade, difundindo información sobre un Trastorno que hoxe en día continua a ser un descoñecido.

OBXECTIVO XERAL

• Fomentar a participación do voluntariado en tódolos programas que se leven a cabo na asociación, en relación coas familias e persoas afectadas.

OBXECTIVOS ESPECÍFICOS

• Aumentar a sensibilización e información con respecto ós trastornos de personalidade mediante a participación de voluntarios nas actividades realizadas na asociación.
• Formar ó persoal voluntario no ámbito dos trastornos da personalidade para unha mellor comprensión da problemática.
• Proporcionar un apoio social puntual ás persoas afectadas e ás familias, nas diferentes actividades organizadas pola asociación.

ACTIVIDADES

1. Programa de Acompañamento Educativo. Consiste e proporcionar, a través dun voluntario/a un apoio social, laboral e psicolóxico puntual as persoas afectadas con trastorno de personalidade.
2. Actividades de Respiro Familiar .“Só coidando de nós mesmos poderemos coidar dos demais”. Coa participación activa do voluntariado levaranse a cabo as seguintes actividades:
• Puntos de encontro: Onde as familias se involucren na vida da asociación.
• Obradoiros de relaxación.
3. Actividades de Autocoidado para Persoas con Trastorno de Personalidade .
• Obradoiros de expresión corporal.
• Grupos de psicoeducación.
4. Actividades para a Difusión e Sensibilización da Asociación .
• Campañas de divulgación.
• Mesas informativas.
• Elaboración de material divulgativo e dun Boletín Informativo.
• Actualización da páxina web da Asociación.

TEMPORALIZACIÓN

O programa de voluntariado levarase a cabo nas seguintes fases:

• Unha primeira fase captación de voluntarios a través de anuncios en páxinas web, actividades de sensibilización e convenios con diferentes institucións.
• Unha segunda fase de acollida na que se fará unha primeira toma de contacto coa persoa voluntaria e se lle explicarán os obxectivos do programa e actividades.
• Unha terceira fase de formación, cunha duración de 8 horas e no que se dota á persoa voluntaria de coñecementos específicos sobre as características dos trastornos da personalidade. Este curso realizarase unha ou dúas veces ó ano en función das necesidades e da demanda do voluntariado.
• Unha cuarta ase de incorporación ós diferentes programas e actividades que se levan a cabo na asociación.
• E por último, a fase de seguimento/avaliación onde se valorará a integración da persoa voluntaria nos distintos programas.